Si jamais fut ung Paradis en Terre,
Là où tu es, là est il, sans mentir ;
Mais tel pourroit en toy Paradis querre
Qui ne viendroit fors à peine sentir ;
Non toutesfoys qu'il s'en doibt repentir,
Car heureux est qui souffre pour tel bien.
Doncques celluy que tu aymeroys bien,
Et qui receu seroit en si bel estre,
Que seroit il ? Certes je n'en sçay rien,
Fors qu'il seroit ce que je vouldrois estre.